His Story:

Almost 9 yrs na po simula ng humina pandinig ng papa ko. Wayback 2012 po nang magstart kaming magworry dahil hindi niya na agad kami naririnig katulad ng dati at bilang anak niya masakit po sa akin yun makita na minsan nagkekwentuhan kaming pamilya sa bahay, hindi siya makasunod sa kwento dahil sa mahinang pandinig niya. Pero hindi ito nakahadlang sa pagtatrabaho ng papa ko bilang isang kargador sa fish port na maaaring lalong makasama sa kaniyang tenga dahil banye-banyerang isda ang kaniyang binubuhat, sa gabi naman ay may sideline siya na mamasukan magtinda ng isda sa palengke para buhayin kaming apat niyang anak na tatlo pa ang nag aaral, dalawang college students at isang senior high school. Nakakalungkot isipin na minsan kapag nadadaanan ko siya sa palengke, nakikita ko na hindi maiwasan na pagtaasan siya ng boses ng kaniyang mga kasamahan sa trabaho, at minsan pag mali ang pagkakarinig niya sa mga sinasabi nila, nagsisitawanan pa ang mga ito. Inadvice na magpa hearing test ang papa ko, ngunit sa kakapusan, hindi kasama sa budget namin ang gastos para dito kaya bumili na lamang kami ng hearing aid na mumurahin, at isang beses nakwento niya sa amin na may isang buyer ng isda ang napagsabihan siya ng "tanggalin mo kasi yang earphone mo para marinig mo mga sinasabi ko". Masakit para sa akin na, natatrato ang tatay ko ng ganun dahil sa kaniyang kapansanan. Ngayon, nakakaramdam siya ng pagpitik ng kaniyang mga mata at pagsakit ng paligid ng tenga niya na maaring epekto ng hearing aid na walang approval ng doctor at nagnanais kami na mapili kami upang makapagpa hearing test ang papa ko.